გასულ კვირაში ლუპზე 3000-ზე მეტი მოსწავლე დარეგისტრირდა.

წუხელ ვესაუბრეთ ლუპის ერთ-ერთ ახლადდარეგისტრირებულ მომხმარებელს - კომაროველ ნიკოლოზ ჩაჩანიძეს.

 

-     ნიკოლოზ, გაგვეცანი და მოკლედ მოგვიყევი შენზე.

გამარჯობა, მე ვარ ნიკოლოზ ჩაჩანიძე, ვცხოვრობ თბილისში. ვსწავლობ ვლადიმირ კომაროვის სახელობის N199 ფიზიკა-მათემატიკის საჯარო სკოლაში. თავისუფალ დროს მიყვარს ფეხბურთის და კალათბურთის თამაში.

-     ვირუსის პერიოდში როგორ შეიცვალა შენი დღის რეჟიმი?

თითქმის საერთოდ არ შეცვლილა. სკოლაში აღარ დავდივარ - ერთი ეგ შეიცვალა.

-     სკოლის მასწავლებლები გიტარებენ გაკვეთილებს?

კი, აბსოლუტურად ყველა. რა ცხრილითაც მქონდა აქამდე გაკვეთილები, ზუსტად ისე მიტარდება ახლაც.

-     რამდენი ხანია, რაც ლუპს იყენებ სამეცადინოდ?

5 დღის წინ დავრეგისტრირდი. თავიდან მხოლოდ ინგლისურის ტესტებს არ ვაკეთებდი. ახლა ქართულსაც, მათემატიკასაც და ინგლისურსაც ყოველდღე ვმეცადინეობ.

-     რა მოგწონს ლუპში ყველაზე მეტად?

ყველაზე მეტად მომწონს, რომ შეუზღუდავად შემიძლია ტესტების კეთება და მეცადინეობა დღეში მარტო ერთი ტესტით არ შემოიფარგლება. ასევე, თამაშის ელემენტებიც ძალიან მომწონს.

-     ლუპის გარდა კიდევ რამე სხვა საიტს ან პლატფორმას იყენებ სამეცადინოდ?

არა. მხოლოდ სკოლის ვიდეოგაკვეთილებს ვესწრები და ლუპის ტესტებს ვაკეთებ.

-     სკოლაში სიარული გირჩევნია, თუ სახლიდან სწავლა?

სკოლაში სიარული. სკოლაში ხალხთან ერთად უფრო მიადვილდება სწავლა ვიდრე ასე ტელეფონით და ინტერნეტით.

 

შეგახსენებთ, რომ 2019-2020 სასწავლო წლის დასრულებამდე ლუპის პრემიუმ პაკეტი ყველა მოსწავლეს გადაეცემა უფასოდ.

პაკეტის გასააქტიურებლად დააჭირეთ აქ
იხილეთ ასევე - და მართლა, რა არის ლუპი?